Ousama Ranking (2022) Trailer

Season1ပြီးသွားပြီဖြစ်တဲ့ studio wit (attack on titan s1-3)ရဲ့လက်ရာလေးဖြစ်တဲ့ ဒီဂျပန်ကာတွန်းလေးကိုတင်ဆက်ပေးချင်ပါတယ်။ ဒီကာတွန်းကို ဘာသာပြန်တဲ့အဖွဲ့တွေလည်းရှိလို့အစကမတင်တော့ဘူးလုပ်ပေမဲ့ AKMအဖွဲ့နဲ့POအဖွဲ့အမှတ်တရလေးဖြစ်အောင် တွဲတင်ဖို့ရယ်၊ websiteမှာလည်း တင်တာမတွေ့သေးလို့တင်ချင်တာရယ်ကြောင့် ဘာသာပြန်တင်ဆက်ပေးလိုက်တာပါ။ ဒီကာတွန်းလေးကို လူတွေ ကြည့်လည်းသိပ်မကြည့်ကြသလို ရှိမှန်းတောင်မသိဘူးဖြစ်နေကြတဲ့ကွက်ကျော်ကာတွန်းပါ။ မကောင်းလို့လားဆိုတော့ မကောင်းလို့မဟုတ်ပဲ ကာတွန်းဆွဲထားပုံက အရမ်းကိုရိုးရှင်းပြီး ကာတွန်းဆန်လွန်းအားကြီးနေတာမလို့ပဲ ကျနော်ကတော့ထင်ပါတယ်။ ကာလသားကြိုက် oppai အကြီးကြီးတွေလည်းမပါသလို၊ လုံမပျိုတွေအကြိုက် စောက်ရမ်းcoolဖြစ်တဲ့ပုံစံမျိုးသကောင့်သားတွေလည်းမပါလို့မကြည့်ကြတာဖြစ်နိုင်ပါတယ်။ ဒါပေမဲ့ ဇာတ်လမ်းဦးစားပေးမယ်။ ကလေးဘဝတုန်းကလို ပုံပြင်ကောင်းလေးတပုဒ်ကိုစီးမျောချင်တယ်ဆိုရင်တော့ ကြည့်ကိုကြည့်ရမယ့်စီးရီးလို့ညွှန်းချင်ပါတယ်။ ဇာတ်လမ်းအကျဉ်းကိုတိုတိုတုတ်တုတ်ပြောရရင် မင်းသားက ဘုရင်ရဲ့သားကြီး ဒါပေမဲ့ ဆွံ့အနားမကြားဖြစ်နေတဲ့အပြင် ခွန်အားအရာမှာလည်း ကလေးတယောက်ကိုတောင် အနိုင်မယူနိုင်တဲ့အခြေအနေဖြစ်နေသူပါ သားကြီးဖြစ်တဲ့မင်းသားဟာ ထီးနန်းရခွင့်ရှိပေမယ့် ထီးနန်းရဖို့ကိုမျိုးစုံကြုံတွေ့ရတဲ့ဇာတ်လမ်းပါ ဇာတ်လမ်းကျောရိုးကရိုးရှင်းပေမယ့် Plot twistတွေ လျှို့ဝှက်ချက်တွေ ခန့်မှန်းလို့လုံးဝမရတဲ့ဇာတ်အသွားမျိုးတွေကြောင့် ကျနော်ကတော့ တပတ်တခါထွက်တိုင်းကြည့်ဖြစ်ပါတယ် စစချင်းကြည့်တုန်းကတော့ အပိုင်း၂လောက်အထိ ဆွဲထားတဲ့ပုံတွေကိုသည်းခံပြီးကြည့်ရတာဗျ အပိုင်း၃လောက်ကစပြီး ဇာတ်ကောင်တွေကိုသံယောဇဉ်တွယ်သွားမိတဲ့အပြင် အချိန်ပေးရတာတန်သဟဆိုပြီးမျောသွားမိစေတဲ့စီးရီးပါ Ratingတွေကတော့ IMDb 9.3/10 MyAnimeList 8.9/10ရထားပါတယ် ကျနော်ကတော့ 9/10ပေးပါတယ် Reviewed by Dr Nyan Staff Translation Dr Nyan Karaoke by Min Encoding Min Khant Zaw, Makido &ZEN